وقت الطبطبة الزيادة خلص!
وحده بتكلمني امبارح في معاناة بحياتها أزمة و مرت بيها من سنتين ... يمكن هي بتكلمني عشان احنا عندنا نفس الأزمة !!!
لكن ...
انا مش عارفه استوعب ازاي الإنسان بيفضل عايش الوقت ده كله و مستمتع أنه ضحية!! ازاي قادر يقبل عطف و طبطبه عمال علي بطال..
من وجهة نظري إن طالما ربنا أكرمني بالصحة و حياة كريمة في بيت مع أسرتي و مقفول علينا .. خلاص مفيش معاناه!
كل اللي بنحبهم تقريبا بخير ... خلاص مفيش معاناة !
في في حياتنا شخص واحد علي الاقل بيدعمنا و ديما معانا بكل المواقف .. خلاص مفيش معاناة!
طالما الانسان طول الوقت بيشوف الجزء الناقص و ينسي أن ربنا انعم عليه بحاجات كتير ابسطها السمع و البصر و الإدراك و العقل الواعي .. خلاص يبقي كده هو اصلا في حياة كريمة.
كلنا عندنا ضغوط .. كلنا عندنا معاناة .. تجارب سيئة .. بنقابل ناس يمكن يكونوا الجزء السيء حصل معانا احنا بس!
اهم حاجه شيفاها أن الإنسان يتقبل أزمته و نفسه و متغيرات حياته الغير محسوبه!!!
و يبطل شكوي .. الشكوي لغير الله مذله و بتجلب الهموم !!
متضيعوش العمر في الاحساس اللامبرر في الشكوي و الأزمات و تقلبات الحياة اللي مش بتخلص.
دوروا ديما على البداية !🤷
متزعليش إني مقدرتش زي كل مره اطبطب عليكي و اسايرك في الكلام !! لان خلاص مفيش جدوي من الحوار كلام سلبي هيجيب بعضه !! كان لازم اقفل يمكن لما انهي الحوار بشدة تعرفي أن خلاص وقت الطبطبه الزيااااااادة خلص!
#ayamegahed
Comments
Post a Comment