المطلقة

موضوع مهم جدا بقالي كتير جدا متجنباه و مش عايزة اتكلم عنه لكن وقته جه ..

"المطلقة" ..

أيوة بنفس الكلمة و نفس اللفظ حرفيا .. لاهو عيب و لا حرام ولكنه أصبح وباء بسبب العادات الاجتماعية الخاطئة و بسبب عدم اكتمال الوعي سواء عند أولياء الأمور .. أيوة بنفس اللفظ كده اللي هما الاب و الام الراعيين للجيل الحالي المربي .. أو عدم الوعي عند الشباب و البنات عند القدوم علي حياة زوجية .. و تتعدد الأسباب حوالين الموضوع ده من موروثات لعدم وجود نضج لتحكمات غريبة و مشه المهم لانه أصبح أمر واقع.. ندخل علي الحاله نفسها و ازاي نتعامل مع الأمر الواقع بغض النظر كمان عن الرجال أو أشباه الرجال مش مشكلتنا خالص .. تعالي انتي .. الانثي

مهما كانت الظروف و الأسباب في الاخر حتي لو الطلاق اختيارك الوحيد فهو اختيار .. انتي داخله حرب يا اما تاخديها بجد و من غير هزار المعركه كامله يا بلاش منها من الأساس و تقبلي كل مشاكلك و تعايشي معاها .. لان الحرب دي مش مع الناس و لا عدم تقبل المجتمع و تلقيح الكلام و أن المرأة المطلقة منبوذة .. لا ارمي كل ده علي جنب .. المعركة جواكي انتي جوة نفسك .. انتي رافضه تعيشي حياة غلط .. رافضة تورثي عقد اجيال ل أولادك و اختارتي الطلاق وسيلة .. يبقي تتحملي كامل العواقب من غير تراجع اصلها لا لعبة و لا تجربة .. لو كنتي في جوازك واخدها لعبه و فرحه بالفستان و الهيصة فالطلاق مش كده .. انتي هتكوني مسؤوله مسؤولية كامله هتخرجي من نطاق الأنثي اللي أهلها بيراعوها لحد مرحلة معينة .. لأنثي جواها كل مقومات الحماية لنفسها ..

انا مش بأيد قرار الطلاق و لا يشجع حد عليه لأنه قرار فعلا عظيم و صعب ... لكن لو انتي لسه في الوسط انفصال يعني شوفي ممكن تصلحي ايه في نفسك و تشتغلي عليه كلنا فينا جزء من المرض النفسي و الاحتياج سواء كانت صفات حميدة أو خبيثة النفس فيها الفجور و التقوي ...

لو انتي فالنص راجعي نفسك و امورك .. و لو قرارك نهائي او حتي مش قرارك و طلع من قرار الطرف الآخر .. يبقي في كل الأحوال انتي في مفرق طرق للتغيير اللي هو اصلا المفروض كان يحصل من يوم ما وعيتي عالدنيا .. العلاج لكل نقطة ضعف اتزرعت فينا من المجتمع من جوة قبل برة ... ترسمي طريق واضح المعالم مش زي ما عيشتي زمان بحلم الزفة و الهيصه تفرحي دلوقتي بالتعاطف و الطبطبه لان مفيش حاجه هتدوم منها ..

تحتوي نفسك و اعرفي احتياجاتها و دوري ازاي تكفي نفسك معنويا و انتي حاسه بالتقدير من جواكي .. لان من جواكي لو محستيش.بالتقدير و الاحترام و الحب لنفسك. .. محدش هيجي يعملك ده او يصالحك علي نفسك و الناس .. زمن المعجزات انتهي .. كل انثي ناجحة و قوية و مربية اجيال فعليا لو دورتي جواها هتلاقي نظام وطاقة حب و تقبل لنفسها بشكل كبير و متصالح..

أيا أن كان قرارك خلي طريقك واااااااضح اهم حاجه الوضوح ... زمان كانت البنت زي ما بيقولوا في اللفة و بتحلم بالزفه .. و دخلت في معمعه أن الخطوبة فترة صغيرة و أن الجواز بسرعه و الفستان. و النيش و الشبكه و صراعات اصلك مش مهتم و الاهتمام مبيطلبش و فانوس رمضان و بوكس العيد و المواسم .. مش ده الجواز يا عالم و الله ... ارجعوا للأصول .. للحياة اصلها مش لعبة يوم و لا اتنين دي .. اختيار العمر كله...

حتي لو انتي غير مرتبطه أو مرتبطه أيا أن كان الوضع .. حددي طريقك ارسميه صح راجعي النقط اللي انتي محتاجاها شوفي نجاحك هيكون فين و اعمليه .. و كفايه بقي سلبيه و استسلام

.. بيبقي هاين.عاليا امسك البنت من شعرها و اقولها مرسمتيش حياتك ليه و .. لو رسمتي قيمتي صح و لا غلط .. عصبتوني

10Aya El Hapashey, Aicha Alahmady and 8 others