"لو علمتم الغيب لاخترتم الواقع"
كان شاغل دماغي اوي اليومين اللي فاتو بأحداثهم المقولة دي بتخطر علي ذهني كتير جدا "لو علمتم الغيب لاخترتم الواقع" لما بحثت عالنت عرفت انها مش منسوبة لشخص مش معروف مصدرها يعني بس لاقيت من ضمن تفسيرها السطرين دول : الإنسان قد يفوته من الخير ما يفوته ، أو يصيبه من السوء والضر ما يصيبه : لأجل جهله بما هو مغيب عنه ، ولو كان علم بما في الغيب من ذلك ، لتوقى ما أصابه من الضر ، وحرص على ما فاته من الخير . ........... مش عارفة ليه حاسة ان اللي قراته عن تفسيرها معظمه تشاؤم و تعلق اكتر بالماضي دارت في ذهني كتير و غالبا الجملة دي مش بتتقال غير لما بنواجه مشاكل بس من طبعي الذهني المتفائل اني ديما بشوف نص الكوباية الماليانة :D :D "و يا رب افضل كده ديما" فقلت من وجهة نظري المواضعه جدا ان كتير من اللي بيواجهنا من مشاكل في الوقت الحالي لو أدركنا أد إيه ربنا هيبدل الاحوال من السئ للافضل لاختارنا المشاكل الحالية لان قد يحدث و ده أكيد ان مفيش مشكلة بتستمر فرج كبير جدا و كرم من ربنا بعد المعاناة عشان كده انا شايفة الجانب المتفائل فالمقولة دي أكتر من المظلم :D :D ...
