الشغف

من ساعة ما دخلت الكلية تقريبا مفتكرش اني خدت اجازة من انني أدرس شئ معين ! 

يمكن هما مرتين اللي توقفت فيهم مرة في سنة تالته كلية و مرة من رمضان اللي فات لحد أول 2017 كل فترة كده بتيجي أوقات كبيسه بتجبرني اتوقف ..

بالنسبة لي الدراسة متعة اتعلمت منها كتير و اكتسبت كتير و طورت كتير جدا من درجة الاستيعاب لانها كانت مفيش تقريبا ..

بحب ديما اتعلم شئ جديد يمكن مخلصتوش لآخره و ده تقريبا مستحيل .. بس ابتديت فيه من الأول و ده مش سهل في حاجات كتير بنخاف نجازف ببدايتها ... حشرت كتير مناخيري في حاجات مفهمتهاش من اﻻول مرة و خدتها عند :D 

بالنسبة لي نفسي طول عمرى مبطلش دراسه أبدا و أفضل علي طول لابسة النضارة و اعده عالمكتب ماسكة ورقة و قلم بفكر فيشئ اتعلمه ..

علي رغم من الكام شهر اللي فاتو مرو بدون انجاز واضح بس بيني وبين نفسي راضية عنهم لأني قرأت حاجات جديدة في مجالات عمري ما تخيلت اتصفحها و كنت بلاقي صعوبة رغم اني بمل بسرعه بس كنت بعيد الكلام مرة و اتنين لحد ما استوعب ....

بالنسبة لي و بالنسبة لناس كتير قابلتهم ان العلم و المعرفة و الدراسة حياة كاملة معاها الدنيا مبتقفش و معاها بنجدد المحاولات بدون ملل حتي لو في فشل عادي بنكمل ♥♡

حاجة كمان .. مفيش مرة اهتمت هدفع كام في التدريب او في كتاب اشتريه او بعد ما أخلص هل هستفيد ماديا او لاء ديما بهتم هستفيد إيه من وجهة نظري اللي ينوي يتعلم خصوصا في زمنا ده ميحسبش دفع كام ... و ارجع و اقول بردو الإمكانيات المادية مش كل شئ و لا مبرر نقف عاليها اللي عايز شئ بيوصله

#ayamegahed