العلاقات الإنسانية و الحب
ليه بقينا نفقد الحب أو مصداقيته في أي علاقة إنسانية ؟!
ببساطة شديدة إننا في مجتمع أو مع ناس في فترة زمنية معينة سيطرت عاليهم الأنانية و المادة و بقت تسوقهم مثل الحمار!
توضيح ....
بمعنى إن شخص ما في موقف معين طلب منه شهادة حق و لكن الشهادة تجرح مظهره العام أمام الناس ماذا سيفعل هل يضر نفسه بعض الشئ أم يسكت و يذهب من يحتاج الشهادة إلى أجل يظلم به ؟!
عشان كده كترت الشهود الزور اللي يدفع أكتر هو البرئ!
دي مشكله بنواجهها مش في محكمة دي بنواجهها في كل لحظة بمعني ان مبقاش في حد عنده استعداد يضحي عشان ينصر غيره ..
و نفس المبدأ تدرج للحب في العلاقات الإنسانية لو الطرف التاني هيأذي يتم تركه فالحال .. أو لو إن الطرف الثاني يبعد بشكل مباشر و ده في ضرر كبير مثلا التزام اجتماعي او مادي او ما شابه لا خليه وجوده زي عدمه بكرة الأيام تغيره !
المهم ان مبدأ المصلحة و الصورة الملائكية تكون من نصيبي بأي شكل! !!
طيب هي دي مبادئ تقوم عاليها اي نوع علاقة ؟!!!
ليه مثلا مبدا التنازل او التضحية معدش موجود على أساس ان ربنا هو اللي بيعوض ؟!
أحيانا بتكون وجهة النظر في انصاف حد هي تركه و شأنه أو الانسحاب الكامل من أمره حتي لا يجرح بشئ نسببه و ده نوع من انواع التضحية تفضيل راحة الغير رغم أهمية وجوده و رغم الوحده بعده بس في ما يتعذبو عادي من مزاجيتي و عصبيتي هيروحو فين يعني ؟! بس هنوصل لنقطة ان كل واحد ليه همومه متقلش عاليه
خليك منصف و لو جه الانصاف ضدك هتتعوض
يا ريتنا عايشين بصفات انسانية أو حتي بهيمية ....
ده حتي الحيوانات قانون الرأفة بيحكمهم و لما انقرضو كنا احنا السبب الاساسي .... الناس بقت السبب في انقراض المشاعر !
قانون يلا نفسي .. أنا و من بعدي الطوفان ....
....كلام مش تفكير بعد 12 ...
كلام حقيقي مش over thinking ...
نتيجة حتمية لبعض المناقشات
قد أكون أصابت أو أسأت الفهم و ربنا يسامحني ...
بس مفيش انكار ان ده بيتكرر حوالينا حتي لو مش معانا
و مش بقول كده لأني ملاك و مبغلطش بس بحاول افهم و يمكن مرة تطلع صح و يمكن مرة غلط . و يمكن انا من ارتكب الخطأ ذاته فبراجع حالي ... لا اتهم أحد ..
#ayamegahed
Comments
Post a Comment